Подигање на свеста за семејното насилство

Вовед: Семејното насилство претставува сериозен општествен проблем зошто секоја втора жена е жртва на психолошко насилство, а секоја петта жена се соочува со одредена форма на физичко насилство.
Цел: Преку приказ на случај на жена која трпела семејно насилство во бракот сакаме да ја подигнеме свеста кај младите за важноста на рано препознавање на насилство.
Приказ на случај: Жена на 59 годишна возраст, 2 деца, вработена и разведена.Се омажила на 24 години и во првите три години семејните релации биле добри. Сопругот после смртта на својот татко почнал да пие,особено последните 4 години, постојано се расправале, бил љубоморен и повеќе пати во напиена состојба знаел да ја удри.Еден ден во напиена состоба ја навредувал, со боксови ја удирал по цело тело и ја давел. Викала за помош, притрчале комшии, била повикана полиција и била однесена во Ургентен центар.
Резултати: Евидентно жената со години трпела семејно насилство, се чувствувала понижена, трпела заради децата, но немала и каде да оди.Никогаш не пријавила насилство. После настанот испитаничката живеела со страв, имала кошмари, и се навраќале мисли како ја удира, била нервозна,нерасположена. Случаот зазема судски епилог со условна осуда доколку обвинетиот за време од две години не стори ново кривично дело.
Заклучок: Приказот на случај укажува на потребата за подигање на свесноста за семејното насилство, навремено пријавување и преземање на соодветна заштита и помош на жртвите од сите институции во општеството.
Клучни зборови: семејно насилство, свесност, алкохолизам