Адолесцентно ризично однесување и семејни стратегии за справување

Адолесценцијата е период на бројни можности и ризици. Од една страна овој развоен период овозможува голем напредок на интелектуален, емоционален, физички и социјален план и од друга страна соочување со голем број ризици и предизвици. Меѓу најчестите ризици, кои се преклопуваат со потрагата по нови искуства и сознанија, се: истражувања на сексуалноста, експериментирање со различни хемиски супстанци, користење на социјалните мрежи, справување со врсничките притисоци и врсничкото насилство и др. Родителите и адолесцентите подеднакво се соочуваат со наведените ризици и предизвици. Заради тоа што немаат доволни знаења и вештини да ги надминат истите, наместо успешно да ги разрешуваат, често дополнително ги усложнуваат. Работилницата е намената за различни профили професионални лица во менталното здравје и има за цел да ги запознае со основните техники и вештини на ефикасно разрешување конфликти и донесување одлуки при соочување со ризични однесувања на адолесцентите. Тоа ќе придонесе да се подобрат односите помеѓу родителите и адолесцентите и ефикасно да се унапреди менталното здравје на адолесцентите. Работилницата е наменета за членови на адолесцентни семејни системи.