Педагогијата на Марија Монтесори и нејзиното значење за математичкиот развој на децата од предучилишна возраст

Педагогијата на Марија Монтесори претставува револуционерен пристап кон
образованието, заснован на идејата дека децата најдобро учат преку самостојна активност, сензорно
искуство и слободен избор во подготвена средина. Во трудот е елаборирано значењето на
Монтесори педагогијата за математичкиот развој на децата од предучилишна возраст, со посебен
акцент на природните сезнитивни периоди како база за когнитивниот развој, основните принципи
на кои се заснова оваа педагогија, употребата на математичките материјали кои овозможуваат
конкретно и визуелно разбирање на апстрактните математички концепти, начинот на кој
децата/учениците учат, се поучуваат математика, како и улогата на воспитувачот/наставникот во
развојот на математичките поими. Презентирани се и практични вежби и активности кои го
стимулираат развојот на одделни математички концепти. Проучувањето упатува на тоа дека
Монтесори педагогијата претставува ефективен модел за поддршка на раниот математички развој,
благодарение на комбинацијата на практични математички материјали, имањето во предвид на
природните когнитивни процеси и внимателното педагошко водење од страна на
медијаторот/набљудуваччот, насочувачот воспитувачот/наставникот.