Дидактички аспекти на соработка на педагошките работници

Соработката меѓу педагошките работници, претставува основа за квалитетен и
ефективен воспитно-образовен процес Целта на овој труд е да ги истражи дидактичките аспекти на
оваа соработка, нејзината законска регулатива, практична примена и влијание врз унапредување на
наставата. Истражувањето се заснова на анализа на законски документи и стручна литература, како
и на практични насоки за функционирање на стручната служба во училиштата.Истражувањето го
разгледува развојот на улогата на педагогот, неговите општи и посебни задачи, како и неопходната
координација со наставниот кадар во процесите на планирање, реализација и евалуација на
наставата. Особено внимание се посветува на значењето на тимската работа, соработката со
одделенските раководители, воспитувачите и улогата на педагогот во едукацијата на родителите.