Мирување на правата и обврските од договорот за вработување

Темата на овој труд е презентација и анализа на правните норми кои ги регулираат правата и обврските на работодавачите и работниците во сите законски случаи
кога доаѓа до мирување на работниот однос. Целта на трудот е да се направи сеопфатен приказ на законските норми кои го регулираат овој трудовоправен институт, со посебен
акцент на случаите во кои мора да се одобри мирување на работниот однос, обврска-та за поднесување писмено барање и приложувањето докази, правниот акт со кој се одобрува или не се одобрува правото на работникот да го прекине работниот однос, времетраење на мирувањето. Понатаму се прави анализа на обврските на работникот и работодавачот при престанок на мирувањето на работниот однос, како и прашањето за уплата на придонеси во периодот на мирување на работниот однос. На крајот од трудот се посветува внимание на неплатеното отсуство како дел од правата на работникот за родителска заштита. Се истражуваат условите и процедурите за неплатеното отсуство и начинот на мирување на работниот однос во овој контекст.
Може да се заклучи дека кога станува збор за мирувањето на работниот однос, законот предвидува низа сценариja и прашања кои треба да се разгледаат и анализираат. Оттука, трудот ги истражува процедурите и условите под кои работникот може
да го искористи правото на мирување на работниот однос, како и под кои околности работодавачот може да го одобри или одбие барањето.
Овој труд обезбедува детален и целосен преглед на законските аспекти и правни постапки поврзани со мирувањето на работниот однос и придонесува кон подобро разбирање на овој значаен аспект од трудовоправните односи.