Прагматичко-дискурсивна компетенција во наставата по странски јазици-теоретски осврт и критичка рефлексија

Апстракт: Целта на овој труд е да се дискутираат одредени аспекти напоттикнување на прагматичко-дискурсивната компетенција во наставата по странски јазици. Се разгледуваат поимите прагматичка и дискурсивна компетенцијаво наставата по странски јазици, чиј развој добива посилен фокус по појавата на комуникативниот пристапво 70-тите години на XX век. Истражувањето се темели на комуникативната парадигма и на концептот на комуникативна компетенција, при што се анализира нивното влијание врз современата дидактика. Се истакнува дека и покрај значајниот напредок на поддисциплините како прагмалингвистиката, социолингвистиката и конверзациската лингвистика, нивната примена во наставата сè уште е ограничена. Особено внимание се посветува на меѓусебната поврзаност меѓу граматичката и прагматичко-дискурсивната компетенција, при што граматиката се поима како интеракциски феномен што го вклучува илокуцискиот и перлокуцискиот аспект на говорот. Преку примерот на јазичната учтивост, што претставува прагматичен и дискурсивен феномен, се покажува дека на наставата по странски јазици на филолошките факултети –повеќе отколку на наставата по јазиците во другите наставно-уметнички контексти –треба да се посвети поголемо вниманиена јазичната употреба (parole) и на пренесувањето на прагматичкото и дискурсивното знаење и вештините поврзани со овој феномен. Во овој контекст се анализира како може да се поттикнат комуникативната свесност и прагматичко-дискурсивната компетенција во наставата по странски јазици во областа на филолошките науки.Клучни зборови: прагматичко-дискурсивна компетенција, граматичка компетенција, настава по странски јазик, комуникација.