Нега и едукација на пациенти со дијабетес

Вовед. Дијабетес мелитус е состојба на хронична хипергликемија која настанува како
резултат на апсолутен или релативен недостаток на инсулин. Клинички постои инсулин
зависен дијабетес односно дијабетес мелитус тип 1 и инсулин независен дијабетес
односно дијабетес мелитус тип 2. Дијабетес мелитус тип 1 се јавува кај деца и млади луѓе
до 30 години каде потполно отсуствува инсулинот додека кај дијабетес мелитус тип 2 е
најчест облик на дијабетес кој се јавува кај возрасни луѓе во средна и стара животна доба.
Цел. Целта на оваа дипломска работа е да се запознаеме со едукацијата и третманите кои
треба да ги примаат пациентите со дијабетес мелитус, односно да разбереме дека
едукацијата е еден од најважните аспекти на дијабетичната грижа и трите главни фактори
во лекувањето на шеќерната болест се нега, диета и инсулин
Материјали и методи. Како метод на работа е користено анализирање на статистички
податоци за бројот на испитувања кои се извршени кај заболени со дијабетес мелитус
тип 1 и тип 2 во периодот од 2024 година. Податоците се земени од К ЈЗУ-Медицински
центар Куманово.
Резултати и дискусија.Статистичките податоци и истражувања за бројот на испитувања
кои се извршени кај пациенти со дијабетес мелитус тип 1 и тип 2 се прикажени во табели
и графикони. Истите податоци се земени ЈЗУ-Медицински центар Куманово..Имено
според обработените податоци јасно се гледа дека според испитувањата кои се направени
поголем е бројот на заболени жени одколку мажи.
Заклучок. Заклучивме дека кај дијабетесот не постои ефикасна превенција за дијабетес
мелитус тип 1. Повеќе од превентивните мерки се насочени кон дијабетес мелитус тип 2.
Најпрво заклучивме дека треба да се внимава на исхраната, да се оддржува нормална
телесна тежина и да се применува редовна физичка активност. Со тоа се намалува и
ризикот за дијабетес.
Клучни зборови – дијабетес мелитус тип 1 и тип 2, хипергликемија, медицинска исхрана
и терапија, инсулин, хипогликемија, гликемија.