Разликување на паронимските парови соседски ‖ соседни и комуникативно ‖ комуникациско

Во секојдневната комуникација (писмена или усна) многу често се забележуваат случаи кога се јавува погрешен изговор на некој збор и негова замена со друг од паронимскиот пар, а причината е или во недоволното владеење со јазикот или во невнимателниот однос при говорниот акт во поглед на формата и семантиката на зборовите. Во овој труд преку анкета ќе се обидеме да дознаеме дали македонските говорители (студентите) ги разликуваат и знаат правилно да ги употребат паронимските парови: соседски ‖ соседни и комуникативно ‖ комуникациско.