Компаративна студија на трошоците за рехабилитација на регионални патишта во Р.С. Македонија

Абстракт
Овој труд претставува компаративна анализа на трошоците за рехабилитација на три регионални
патни делници во Северна Македонија (имињата на делниците се доверливи). Врз основа на
документација од јавни набавки и проектни записи, се споредуваат единичните цени за: општ
дел, патни работи, конструкции (мостови, тунели, аквадукти, вијадукти) и сообраќајна
сигнализација. Забележани се значајни разлики, условени од географски карактеристики, обем
на проект и конкуренција меѓу изведувачите. Анализата ги вклучува и постдоговорните варијации
(прилагодување на цени, продолжување рокови и договорени попусти), кои влијаат врз цените и
динамиката на реализацијата. Наодите укажуваат на потреба од стандардизирани методи за
процена на трошоци и поголема транспарентност за поефикасно финансиско управување со
идните проекти.
Клучни зборови: компаративна студија, градежни трошоци, инфраструктурна економија,
регионални патишта, рехабилитација на патишта.