Збирка задачи со вежби и активности по математика за шесто одделение - Материјали за поддршка на учењето -

Збирката задачи со вежби и активности по предметот „Математика“ за шесто одделение е изработена според новата наставна програма. Таа претставува современо дидактичко помагало за учениците, но и наставниците и љубителите на математиката и служи за постигнување на резултатите од учењето, но и проширување и продлабочување на математичките знаења.
Во збирката се поместени вежби и активности кои интегрираат СТЕМ содржини како и проблеми од реалниот живот за чие разбирање и решавање се користат математичките знаења и концепти. Со тоа се воочува нераскинливата врска на математиката и останатите науки, а на учениците им овозможува зајакнување на математичката и функционалната писменост.Содржините се прилагодени и на процесот на дигитална трансформација за што се очекува наскоро и можности за персонализирано учење и следење на резултатите од учењето на соодветна дигитална платформа. Збирката е персонализирана, во неа секој ученик може да пишува, а има и задачи кои е препорачливо да се решаваат во тетратка или на дигитална платформа.