Празничен срцев синдром

Holiday Heart синдромот, уште познат како алкохол-индуцирана атријална аритмија претставува синдром, кој се карактеризира со појава на ирегуларни срцеви откуцувања по прекумерна консумација на алкохол. Најчесто се случува за време на празници. Првпат е откриен од страна на Филип Етингер во осумдесетите години на минатиот век. Ефектите на алкохолот врз аритмогеноста се асоцирани со појавата на реентри атријални и вентрикуларни аритмии со различен и нецелосно изјаснет механизам. Најчест клинички симптом се палпитации по прекумерна количина на алкохол, но можат да се појават и други знаци, како што се: синкопа, диспнеа, ангинозна градна болка и сл. Во диференцијална дијагноза влегуваат: алкохолна интоксикација, акутен коронарен синдром, алкохолна и дилатативна кардиомиопатија, пулмонална тромбемболија, пнеумонија и други аритмии. При потреба од антикоагулатна терапија разумно е користење на CHA2DS2VASc и HAS-BLED скоровите. Прогнозата зависи од присуството на претходна срцева состојба. Иако во голем дел (>90%) од случаите на алкохол-поврзана атријална фибрилација се прекинуваат спонтано, околу 20-30% се рекурентни во рамките на 12 месеци.