Нова перспектива на биолошката терапија во третманот на макуларна дегенерација поврзана со возраста

Имајќи во предвид дека влажната макуларанатa дегенерација
поврзана со возраста (age-related macular degeneration - AMD) е хронична болест и може да предизвика иреверзибилни промени во ретината и губење на видот, третманот и лекување на истата е од посебна важност. Целта на студијата е да
се потврди ефикасноста на на Brolucizumab како анти-VEGF (Vascular Endothelial Growth Factor) агенс и терапија кај пациенти со влажна форма на AMD. Студијата имаретроспективно-проспективен карактер и во истата се вклучени 150 пациенти од обата пола. Истите се лекувани и третирани во Италијанската очна болница во Приштина, Р.Косово. Во студијата е имплементирана оптичка кохерентна томографија или OCT (Optical Coherence Tomography) која
претставува неинвазивна метода која прави пресек на сите слоеви на ретинатаи дава приказ на вредностите на CST (central subfieald thickness) параметарот које посебно важен за евалуација на делување на Brolucizumab како анти-VEGF
агенс, пред и после третманот. Резултати: Споредено со видната острина пред терапијата, подобрување беше регистрирано кај 20(13.33%) пациенти по првата
инјекција, 44(29.33%) пациенти по втората инјекција, половина од пациентите имаа подобрување на видната острина по третата инјекција, додека на крајот на третманот, по четвртата инјекција 99(66%) пациенти имаа подобрување на
видната острина. Кај женските пациенти сигнификантно почесто од машките беше регистрирано подобрување на видната острина – 44(71.19%) vs 55(59.14%). Post-hoc анализата со Bonferoni корекција покажа значајно намалување на CST во сите временски точки, односно сигнификантна разлика меѓу секој пар временски точки од дадена инјекција. CST вредноста статистички значајно се намалила за 45.513µm по првата инјекција, дoполнително се намалил за 32.94513µm по втората инјекција, 39.3875µm по третата инјекција, и за 25.733513µm по четвртата инјекција. По четири дози на анти-VEGF терапијата, вредноста на CST беше значајно намалена за 143.573 µm (p<0.0001).Заклучок: Лекувањето и примената на анти-VEGF агенси како Brolucizumab во лекувањето на влажната форма на AMD, резултира во повлекување на веќе настанатите промени во макулата и подобрување на видот.