Состав на органски киселини во вина од сортата Вранец определени со CZE-ESI-QTOF-MS техника

Во ово истражување беа произведени вина од сортата на грозје Вранец (берба 2014), одгледувано на 17 различни локалитети: Бистренци, Барово, Демир Капија, Дисан, Дреново, Градско, Криволак, Курија, Лепово, Манастирец, Велес, Виларов, Ридиште, Штип, Битола, Гевгелија, Радовиш. Вината беа произведени со иста технологија, применувајќи традиционален начин на производство. Во ова истажување беа анализирани поединечните органски киселини (јаболкова, килибарна, млечна, винска, шикимска и лимонска) во вината со примена на софистицирана техника капиларна електрофореза поврзана со масен детектор со време на прелетување (CZE-ESI-QTOF-MS). Пред анализата, примероците беа претходно разредени и филтрирани. Методот покажа задоволителни перформанси: добра линеарност за секоја киселина, ниска границата на квантификација и задоволителен принос, со вкупно време на анализа од 4 минути. Беше забележана варијација на органските киселини, главно поради климатските услови на различните локации. Имено, добиените резултати покажаа дека во сите вина од сортата Вранец доминантна киселина е винската киселина (во граници од 2,09 до 4,96 g/L), проследена со јаболкова киселина (во граници од 0,06 до 4.03 g/L). Концентрацијата на лимонската киселина беше во граници од 0,26 до 0,89 g/L, согласно законските регулативи.

Клучни зборови: органски киселини, CZE-ESI-QTOF-MS, Вранец.