Предуслови и мерки за ефикасна борба против перење пари

Во рамките на трудот, авторите ја обработуваат темата за штетните последици од перењето
пари, предусловите за превенција, како и мерките за ефикасна борба против перењето пари.
Акцентот е ставен на меѓународниот пристап, поаѓајќи од фактот дека во услови на
глобализација и брз трансфер на капитал и стоки, можностите за прекугранично пренесување на
приносите од кривично дело, преку перење пари, е можно во висок степен.
Авторите ги обработуваат горните прашања од аспект на трансфер на незаконски стекнат
капитал од државите во развој кон финансиските центри и развиените држави. Во рамките на трудот ги
презентираат позначајните предуслови за ефикасна меѓународна борба против перењето пари, и тоа
како преку јакнење на нормативната рамка, така и преку креирање на соодветни институционални
капацитети.
Посебно внимание е посветено на мерките за ефикасна борба против перењето пари. Станува
збор за инструменти кои се применуваат од финансиски институции, како и од органи за спроведување
на законот, со цел за длабинска анализа на потеклото на парите, постоењето на елементи за сомневање,
следење на движењето на средствата, посебен пристап кон високоризичните држави, како и градење на
механизми за брза реакција на меѓународен план во случај на основано сомневање дека станува збор за
перење на приноси од извршено кривично дело.