Степенот на имплементација на стратешкиот антикорупциски документ како позакател за успешноста во борбата против корупцијата

Во рамките на трудот, авторот го обработува проблемот со ниската
имплементација на македонската стратегија за спречување на корупцијата и судирот на
интереси за периодот 2021-2025 година.
Се потенцира значењето на основниот антикорупциски документ во јакнење на
напорите за намалување на корупцијата, градење на одржливи и функционални
институции и остварување на правата на граѓаните. Имено, авторот потенцира дека
Националната стратегија е базата, фундаментот од каде што се насочуваат идните
нормативни и институционални напори за спречување на корупцијата и судирот на
интереси, дека без нејзино имплементирање нема простор да се очекува успех во
борбата против корупцијата.
Авторот ги потенцира меѓународните документи од кои се создадоа правни
основи за изготвување на стратешки антикорупциски акти.
Се презентираат податоци за слабата имплементација на Националната стратегија во
2021 и 2022 и притоа авторот го истакнува сопствениот предлог за подобрување на
состојбата со имплементацијата на Националната стратегија.
Имено, авторот предлага формирање на Национален совет за следење на
имплементација на Националната стратегија за спречување на корупција и судир на
интереси во рамките на Собранието на Република Северна Македонија, притоа
презентирајќи го начинот на негово компонирање и аргументите зошто таквото
решение ќе креира резултати.
Авторот го потенцира значењето на политичката волја како во
имплементацијата на Националната Стратегија така и во севкупната борба против
корупцијата.