Периодично ледничко езеро „Гавран“ на Пелистер - Баба Планина

Во границите на Национален парк „Пелистер“ досега се забележани и проучени 11 езера, од кои 4 се постојани, 3 се периодични, 3 се повремени, и едно кое повеќе не постои. Со територијалното проширување на националниот парк во јужниот дел на Баба Планина, се создаде можност да се истражува и пограничниот простор на Р.С. Македонија со Р. Грција. Само во просторот на атарот на село Брајчино се открија повеќе глацијални облици: цирк, валов, периодично ледничко езеро, моренски блокови, исчезнати бари и други релјефни форми кои треба дополнително да се истражат. Во овој труд се презентира само еден дел од нив.