Колку програмата за образование за животни и активностите на часот на одделенската заедница придонесуваат за хуманизација на личноста на ученикот

Kamceva Panova, Lidija and Dimov, Trajce and Mitev, Zoran (2021) Колку програмата за образование за животни и активностите на часот на одделенската заедница придонесуваат за хуманизација на личноста на ученикот. International journal Knowledge, 47 (2). pp. 267-404. ISSN 2545-4439

	Text HOW+MUCH+THE+LIFE+EDUCATION+PROGRAM+AND+CLASS+COMMUNITY+ACTIVITIES+CONTRIBUTE+TO+THE+THE+HUMANIZATION+OF+THE+STUDENT'S+PERSONALITY.pdf - Accepted Version Download (525kB)
	Text Naslovna.pdf - Accepted Version Download (586kB)

Abstract

Воспитувањето ги оспособува луѓето за живот, им дава знаења, формира навики и умеења, развива способности, ги изградува човечките својства, го социјализира човекот, го хуманизира, вредносно го збогатува и му помага во осмислување на животот. Воспитувањето во духот на хуманизмот подразбира љубов, грижа и нега за човекот, свест за обврските, должностите и задачите кон него, пријателство, солидарност, како и борба за неговите права и еднаквости. За хуманизмот пишува уште Цицерон подразбирајќи „ највисок културно – етички развој“ на човекот. Хуманизмот е темел на моралот, а за идеал го има човекот и човечкото. Од хуманизмот произлегуваат сите останати морални начела.Хуманистичкото воспитание има за цел да го поттикне процесот на самоактуелизација на поединецот, развој на чувствата за сопствена вредност и позитивна слика за себе, поттикнување на развојот на автентичност и оригиналност, а со тоа и создавање на сопствен состав на вредности. Хуманистичкото воспитание има за цел и усвојување на одреден состав на општествени вредности со кои се овозможува на поединецот да ги оствари своите настојувања за сопствена актуализација. Хуманистичкото воспитание подразбира: воспитание за позитивна слика за себе, воспитание за хуман однос меѓу жени и мажи, воспитание за човекови права.
Според начелата на основното образование во Република Северна Македонија, основното образование се развива врз основа на: најдобар интерес и целосен развој на ученикот; еднаквост, достапност, пристапност и инклузивност; унапредување на сличностите и прифаќање на различностите, интеркултурност, мултикултурализам, интеркултурализам и мултикултурност итн. Концепцијата за основно образование (март 2021) година се потпира на инклузивноста, родовата сензитивност/рамноправност и интеркултурноста како клучни принципи и е директно поврзана со Националните стандарди за основно образование што ги даваат насоките кон кои треба да се стреми целокупната организација и реализација на воспитно-образовниот процес во основните училишта.
Наша цел во овој труд е да видиме колку, преку програмата и програмските содржини во прирачникот „Образование за животни вештини“ и преку фокусираното набљудување на часот на одделенската заедница, наставниците имаат можност и перспектива да делуваат врз хуманизацијата на учениците. Истражувањето е направено во поголем обем, опфатени се повеќе училишта од градски и рурални средини. Меѓутоа, овде ќе истакнеме еден мал дел од ова истражување.

Item Type:	Article
Subjects:	Social Sciences > Educational sciences
Divisions:	Faculty of Philology
Depositing User:	Lidija Kamceva Panova
Date Deposited:	28 Nov 2022 12:02
Last Modified:	28 Nov 2022 12:02
URI:	https://eprints.ugd.edu.mk/id/eprint/30523

Actions (login required)

View Item