Вонземјанинот Лу-Ру-Су од Калина Малеска

Во оваа научна статија се осврнуваме кон еден сегмент од книжевноста за деца и млади, конкретно кон жанрот научна фантастика. Овој жанр долго време беше дефицитарен и во македонската литература за возрасни, а ситуацијата не беше нешто поинаква во литературата за деца. За среќа, оваа ситуација бавно, но контиунуирано се подобрува. Едно од најновите дела од овој жанр во македонската книжевност за деца и млади е поемата „Вонземјанинот Лу-ру-су“ од Калина Малеска. Самата појава на оваа поема претставува новина во македонската современа книжевност за деца и млади, од повеќе аспекти, пред сѐ, затоа што ова е еден од ретките стихотворни примери во македонската научно-фантастична книжевност за млади читатели.