Модификација на исказите во говорот на македонските изучувачи на англискиот јазик

Во овој труд се истражува како македонските изучувачи на англиски јазик на повисоките нивоа вршат модификација на исказите. Фокусот е на ублажувањето кое, пак, е поврзано со учтивост, индиректност, неизвесност, намалена посветеност, почитување и заштита на лицето. Посебно се истражува како македонските изучувачи на англиски јазик ги ублажуваат своите искази во дискусиите. Истражувањето е направена врз основа на поткорпусот на англиски меѓујазик во МАКОР, а рамката за анализа ги опфаќа средства за оградување во врска со пропозицијата, средства за изразување несигурност во врска со возможноста на пропозицијата и средства за градење на интерперсоналните односи. Анализата покажа дека македонските изучувачи на англискиот јазик ги ублажуваат своите искази на сличен начин како и родените говорители, но списокот со јазичните средства што ги користат е поограничен.