Превентивна стоматологија - скрипта

Превентивната стоматологија е една од гранките на стоматологијата. Основна цел на
превентивната стоматологија е врз основа на современите научни податоци за
етиологијата на оралните заболувања препорача и обезбеди примена на најефикасни,
проверени мерки и средства за нивно спречување. Од оваа цел произлегуваат и
задачите на превентивната стоматологија да ги проучува и регистрира
карактеристиките на оралната патологија, факторите кои предизвикуваат или
допринесуваат појава на орални болести, мерки и методи за нивна превенција,
евидентирање и следење, изработка, контрола на примена и евалуација на програма за
нивно спречување и сузбивање. Превентивната стоматологија претставува комплексна
медицинска дисциплина која има за цел да расветли многу важни проблеми поврзани
со заштита на оралното здравје на сите членови во заедницата, настојувајќи таа
заштита да биде што по масовна, ефикасна, планска и систематска. Превентивната
стоматологија со својот мултидисциплинарен пристап ја обединува активноста на
различни медицински и општествени научни дисциплини (сите стоматолошки
дисциплини, хигиена, социологија, психологија, епидемиологија, статистика,
здравствено воспитување, организација на здравствената служба, економија и
финансирање на здравствената заштита, политички науки и сл.) за да може
непрекинато да ги активира сите субјекти кои се одговорни за сочувување на
целокупното здравје, а со тоа и оралното здравје како многу важен дел од општото
здравје.
За превентивната стоматологија во многу земји постојат и други називи како:
стоматолошка заштита во заедницата – “community dentistry“, орално здравје во
заедницата – “community oral health“, “ dental public health“, во интернационални размери
- “public oral health“