Приоди и активности за интегрирање на вокабуларот во наставата

Усвојувањето на голем број зборови кои се неопходни за
користење на јазикот во разновидни ситуации е една од најголемите пречки со која се
соочуваат учениците при учењето на странски јазик. Од друга страна, вокабуларот е
клучната компонента на севкупната комуникативна компетенција. Истражувањата
покажуваат дека учениците треба да знаат најмалку 3.000 зборовни семејства за да
можат успешно да го користат јазикот и да читаат автентични текстови со разбирање.
Ова води до заклучокот дека на учењето на вокабуларот треба да му се пристапи на
организиран и принципиелен начин, земајќи ги предвид сознанијата и резултатите од
истражувањата на полето на усвојувањето на вокабуларот. Предмет на овој труд се
приодите и активностите кои може да се користат во наставата за да се овозможи
успешно усвојување на вокабуларот на странскиот јазик