Модерен шаманизам. Современи шаманистички искуства

Сржта на шаманизмот, неговите следбеници ја бараат во убедувањето дека сите ние сме дел од едно суштество или сила што може да ја наречеме Бог, Праизвор или Космичка свест и дека сите живи суштества во Универзумот се поврзани со една заедничка нишка. Современите шамани зборуваат за т.н. животно на силата коешто претставува силна енергија што извира од колективното несвесно и таа треба да се почитува и да се признае, за да не стане само сенка на човекот. Длабоката почит на шаманите кон животните, направила тие и во физичкиот изглед на човекот да препознаат одредно животно (во лицето, движењата, криците и слично).