Употреба на наночестички за дермална испорака на антиоксиданси

Формулацијата на иновативни препарати со антиоксиданси е се поактуелна во козметичката индустрија и медицината. Стареењето на кожата се должи на внатрешни и надворешни фактори. Без оглед на фактот што овие процеси се разликуваат, појавата на реактивни слободни радикали што потекнуваат од клеточниот метаболизам, е во основата на стареењето на кожата. Реактивните слободни радикали при внатрешното и надворешното стареење на кожата го индуцираат транскрипциотиот фактор с-Jun, преку митоген активирана протеин киназа, што предизвикува експресија на матрикс металопротеинази и намалување на експресијата на проколаген-1. Зголеменото ниво на деградиран колаген и редуцирана продукција води до појава на стареење на кожата и зголемен ризик од појава на рак.