Нов предизвик во токсикологијата: нанотоксикологија

Додека во моментов нанотехнологијата, производството и примената на наночестичките растат експоненцијално, истражувањата за токсиколошкото влијание и можната опасност од наночестичките за здравјето на луѓето и животната средина се уште се наоѓаат на своите почетоци. Правилната карактеризација на наноматеријалите, како и разбирањето на процесите што се случуваат на површината на наночестичките кога ќе стапат во контакт со живите системи, е од клучно значење за да се разберат можните токсиколошки ефекти. Дозата и влезните врати на наночестичките во човечкото тело како параметри се од суштинско значење за идентификација на ризиците и проценка на ризикот од новите нанотехнологии вклучувајќи го тука и развојот на нови нано-фармацевтски формулации.