Фактори за квалитетот на усното преведување

До сега повеќе пати е зборувано за преведувањето и за факторите кои влијаат на квалитетот на транслатот. Но, многу поретко се зборува за факторите кои влијаат врз квалитетот на транслатот при толкувањето, како усна репродукција на оригиналниот дискурс. За таа цел во овој труд се нуди листата што произлезе од нашето подолго истражување на толкувањето, поточно на факторите кои посредно или непосредно влијаат врз него. Овде ќе ги спомнеме и ќе ги образложиме во кратки црти следниве: учесниците во толкувачкиот чин, односно говорителот, толкувачот и слушателот; двата текста, појдовниот и текстот-цел, кодирани со два различни система; степенот на блискост меѓу јазиците и културите; некои надворешни фактори, како што се нарачателот на транслацијата, ситуацијата во која се одвива транслацијата, целта на транслацијата, времето, техничките услови и сл.