Присуство на функционални промени на забите во релација со консумирањето на безалкохолни пијалоци

Ерозиите и абразиите како функционални промени на забите етиолошки се поврзуваат и со консумирањето на вештачки газирани пијалоци.Процена на присуството на ерозии кај студентите по Дентална медицина во релација со консумирањето на безалкохолни газирани пијалоци.

Испитувањето го направивме на 40 испитаници од обата пола од четврта година од студиската програма по Дентална медицина од Факултетот за медицински науки, при Универзитетот “Гоце Делчев” во Штип. За реализација на целта беше подготвен анкетен анонимен прашалник. На сите испитаници беше направен клинички преглед и нотирани функционални промени од типот на ерозии. Добиените резултати од клиничкиот преглед и анкетниот прашалник статистички ги анализиравме.
Врз основа на добиените и обработените резултати не беше констатирано постоење на поврзаност помеѓу присуството на ерозии со консумирањето на газирани пијалоци во истражувачкиот примерок. Функционалните промени на тврдите забни ткива се јавуваат во релација со многу фактори: консумирањето на вештачки безалкохолни пијалоци, возраста, начинот на четкање на забите, трауматската оклузија, системските заболувања и многу други. Сите овие етиолошки моменти поретко самостојно но најчесто заеднички допринесуваат за појава за функционални промени на забите.