Квалитетното селектирање на кадрите како предуслов за успешно работење на организациите

Управувањето со човечките ресурси отсекогаш било предмет на
посебен интерес на науката и секојдневната човечка пракса како израз на неопходноста за групен начин на живот и работа.
Изборот на квалитетни човечки ресурси, за продуктивно и задоволително функционирање на организациите, е постојан и критичен менаџерски предизвик. Само способните, талетирани и работно дисциплинирани кадри, кои се вработени преку процесот на правилна селекција, можат да придонесат за успешност во сéвкупните активности во организацијата.
Затоа, успешните организации, денес, значително инвестираат
во пари, време и напор во изборот, односно селектирањето на
човечките ресурси. Тоа го бараат и новите економски услови, каде, посебно се афирмираат кадрите во организацијата и се јавуваат како одлучувачки фактор на конкурентската способност. Оттука, произлегува дека целта на процесот на селекција е да се предвиди идната ефикасноста на вработените и целата организација.
Во трудот, табеларно и графички, се прикажани резултатите од
направеното истражување за процесот на селекција на човечки
ресурси, спроведено во повеќе претпријатија, кои покажуваат дека овој процес е често недоволно обмислен и организиран.