Трошоци и придобивки од меѓународните стандарди за финансиско известување

Производите, услугите, капиталот и пазарите се карактеризираат со својата глобална димензија. Тоа несомнено го зголемува притисокот врз глобалните транснационални компании, за поефикасен начин на организирање на своите бизниси, во насока на конвергирање и реорганизирање на елементите од националната инфраструктура, вклучувајќи ги пазарите, законската регулатива, сметководството и ревизијата, и корпоративното управување. Токму поради тоа, претпријатијата се во потрага на воведување на глобален стандард за ефикасност во сите свои операции. Процесот на глобализација на пазарите на капитал е главниот аргумент за развој и имплементирање на единствен сет на меѓународни стандарди за финансиско известување, или на единствен “финансиски јазик“.