Специфики на правните односи кај институти асигнација

Вовед
Проучувањето на институтот „асигнација“ ја наметна потребата од темелна анализа на правните односи создадени помеѓу субјектите/учесниците во „упатувањето.“ Неговата комплексноста е последица на повеќе фактори и тоа: учеството на три субјекти/учесници во упатувањето, посебните специфики во правните односи меѓу субјектите кои што го издвојуваат како посебно sui generis правно дело, како и модалитетите на позициите на договорните страните зависно од тоа дали целта на асигнацијата in concreto е кредитирање/заем или отплаќање долг.
Тежиштето на трудот е во анализата на одредбите од Законот за облигациони односи кои ги уредуваат правните односи помеѓу субјектите, статусот на секоја од страните и основот по кои што тие стекнуваат статусот должник/доверител, концептот на пренос на упатувањето, правната природа на асигнацијата и други релевантни прашања уредени во општиот и посебниот дел на ЗОО.