Балетското творештво на Љубомир Бранѓолица

Љубомир Бранѓолица е еден од композиторите во македонската музичка култура кои се одликуваат со исклучителна творечка и уметничка плодност. Неговата шестдецениска улогата е сестрана – тој делува како пијанист, композитор, критичар, публицист, автор на либрета, продуцент и корепетитор. Голем придонес Бранѓолица дава на полето на продуктивната музичка дејност, преку творештвото кое вклучува опус од над 450 композиции – солистички, камерни, симфониски, балети, мјузикли, филмска музика итн. – соединети во различни музички жанрови и стилови. Во овој труд се фокусираме на шеснаесетте балети кои заземаат посебно место во неговиот творечки опус. Преку хронолошкиот преглед на изворите на композиторовата инспирација, карактерот и стилот на балетите, изведбите и нивната застапеност на домашната и светската сцена ќе се потврди местото и значењето на балетските дела на Бранѓолица во формирањето на македонскиот балетски музички репертоар.

Клучни зборови: Љубомир Бранѓолица, македонско музичко творештво, балетски дела, македонски балетски репертоар.