Дефинирање на геолошко-геотехнички услови на теренот при истражување и изведба на усеци кај експресни патишта

При геолошко-геотехничките истражувања и испитувања кај усеците со предвидените
истражни работи најчесто се опфатени позициите по осовината на трасата на почетокот, на
крајот или на највисокиот дел од усекот. Доколку истражувањата се предвидени во униформни
геолошки средини дел од нив заради многу фактори можат и да не се изведат, а сепак реално да
се проценат геолошко-геотехничките услови за градба. Ова е применливо во пракса, на пример
кај варовнички маси каде по површината се изведуваат голем број на мерни места и мерења на
дисконтинуитети и земање на доволен број на примероци за лабораториски испитувања. Во
овој труд ќе се покажат два примера за изведба на усеци од проекти реализирани во Р. С.
Македонија кај кои поради комплексниот геолошкиот склоп на теренот се покажало дека
предвидените истражни работи не се доволни, што може да се увиди дури во фазата на изведба
при целосното отварање на усекот. За поткрепа на ваквата констатација, прикажани се
геолошко-геотехнички подлоги од фаза на Основен проект и актуелна состојба при отпочната
изведба на дел од усеците на експресните патишта А1 Градско-Дренови и А4 Штип - Радовиш.