Невропсихијатриски и социјални импликации кај лице со Алцхајмерова болест

Вовед: Алцхајмеровата деменција предизвикува прогресивен губиток на когнитивните функции, измена во психичките и социјалните способности.Симптомите прогресираат, што води до сериозни пречки во секојдневното живеење.
Цел: Преку приказ на случај се презентира важноста за рана диjагноза,третман и соодветна грижа од потесната и пошироката општествена средина.
Приказ на случаj: 70 годишна жена донесена во ЈЗУ Психијатриска болница „Скопе“ од ИМП и полиција, најдена на улица. Самата не може да даде податок за својата претходна здравствена состојба. Подоцна се дознава дека живее со синот кој е со интелектуална попреченост, уредно функционирала
до пред една година кога постепено се развивала заборавеност. Претходни амбулантски прегледи со диагноза за анксиозно растроство. Психомоторно мирна, нерасположена, плачлива, повлечена, вели дека другите пациенти ја шпијунираат и дома некој човек и влегувал ноќе и ја бркал од дома.
Резултати: Соматски и невролошки статус: апраксиа, агнозиа, акалкулиа, останато уредно. EKG и КТМ уредни; ЕЕГ Повремени групи тета бранови во централните и центро-темпоралните регии обострано; ММТ 15/30, ТЦЧ 1/5;ГС на депресиjа <10; Невропсихолошко тестирање: нагласени редуктивни
промени во когнитивните функции. Ориентацијата во време и простор е несигурна и променлива. Компромитирани мнестичките функции за вербалните и за визуелните содржини. Делумно зачувани говорно јазичните функции.
Заклучок: Потребни се активности за подигање на свесноста за
Алцхајмеровата болест, навремена дијагностика, третман и згрижување при неспособност за самостоjно живеење.
Клучни зборови: Алцхајмерова деменција, когнитивни функции, ММТ