Одредување на pH вредноста и присуството на фосфати во плунка кај 8-9 годишни деца при користење на mizuha четките

Вовед: Пуферскиот капацитет на плунката е многу важен индикатор за низа орални и системски заболувања. pH вредноста на плунката е во дијапазон од 6.2-7.6, ондосно во просек 6.7. Нестимулираната плунка има вредност од околу 6.3. Сепак вредноста на pH има дневни варијации во корелација со типот на храна и голем број на фактори присутни во оралната празнина.
Цел на трудот: да се направи споредба меѓу вредностите на фосфати и pH на плунката пред и по четкање на забите кај 8-9 годишни деца со Mizuha Fuji четките и мануелните четки за заби.
Материјал и метод: Во студијата беа вклучени 114 деца на 8-9 година вредност кои беа поделени
во 3 групи, односно по 38 деца во секоја група. Беа користени мануелни четки за заби и Mizuha Fuji четки. Одредувањето на присуството на фосфатите во плунка пред и по четкањето беше направено
со phosphomolybdate /uv спектрофотометриски. Вредностите на pH на плунката пред и по четкањето на забите беше одредена со помош на pH метар LLG-pH meter 7.
Резултати: Резултатите покажаа дека во просек pH на плунката пред четкање на забите изнесува околу 7.174, додека пак после четкањето околу 7.593. Во однос на фосфатите пред и по четкање на забите, нивното присуство при низок pH ја зголемува неговата вредност, додека пак при висока вредност на pH, интеракцијата на фосфатите ја намалува неговата вредност.
Заклучок: Присуството на фосфатите пред и по четкањето на забите заклучивме дека се во корелација со pH вредноста на плунката како и тоа дека нивното присуство зависи од тоа дали е употребена или
не паста за заби богата со флуориди. Пред четкање на забите имаме понизок pH, односно повисока pH вредност по четкање на забите.

Клучни зборови: плунка, фосфати, pH вредност, Mizuha Fuji четки