The Classical Narratives in the Byzanto-Slavic Cultural Transfers Класичните наративи во Византиско-словенските културни преноси

Овој труд прави уникатна дополна кон обемната литература за улогата на класичното наследство во византискиот и општо-средновековниот контекст. Тој ги зумира овие глобални пораки на древната мудрост врз една специфична културна трансверзала која уште еднаш, како многу пати дотогаш, го обединува Медитеранот со континентот, а неретко ја нарекуваме византиско-словенски свет или комонвелт.
Токму преку таа призма делото на Свети Кирил и Методиј и Свети Климент Охридски се поставува врз универзалната македонска и медитеранска географија. Иако милениум подоцна, тоа зачекорува по истиот пат, кој Римјаните го нарекоа Виа Егнатија. Пат по кој врвеа и македонските кралски војски, и митовите за Орфеј, Дионис и Мида пред нив. Пат кој ги обединуваше Лихнид и Феникија, Епир и Анатолија, Арг Орестиски и Гордион, Рим и Константинопол со милениуми.
Тие трансцедентирања и пресоздавања на наративите, или мозаиците од нивните остатоци, се клучни не само за наследството, туку и за настанокот на народите и сите форми на идентитетот воопшто.