Проект: „Егејска рапсодија“ - (2023)

Проектот „Егејска рапсодија“, реализиран на Универзитетот „Гоце Делчев“ – Штип, има за цел да допринесе кон продолжувањето и зачувувањето на богатото културно и музичко наследство на нашето поднебје, преку истражување, креирање, промовирње и оживување на традиционалната музика.

Носител и тим лидер на проектот е проф. д-р Илчо Јованов (Музичка академија – Штип), кој ја изврши селекцијата на музичкиот материјал, оркестрацијата, уметничкото обликување и финалниот римастеринг на изданието. Во проектот учествуваат проф. д-р Горан Ангелов (бас гитара), доц. м-р Христијан Николовски (ударни инструменти), Иван Димков (кларинет и саксофон), Илија Мицев (труба) и Љупчо Стефанов (синтисајзер).

Проектот е реализиран низ три фази: избор и оркестрација на музичкиот материјал, проби и студиско снимање во студио „Сити Саунд“ – Скопје, како и техничка подготовка и издавање на компакт-диск во соработка со издавачката куќа Senator Music. Како финален резултат е создадено CD-издание што претставува значаен културен и едукативен ресурс, наменет и за пошироката јавност и за студентите по музичка уметност, со што проектот има трајна вредност во контекст на зачувувањето и пренесувањето на македонската фолклорна традиција