This is a statue of Aphrodite. Oh? Be sure it isn't of Berenice! Glocalising Goddesses through the Religious Policies of Diadochi’s Courts

Ова е статуа на Афродита. Да? Ве уверувам не е на Береника!
Глокализирајќи божици низ религиозните политики на дворовите на Дијадосите

Љубен Тевдовски

„Ова е статуа на Афродита. Да? Ве уверувам не е на Береника!“ – е воскликот на славниот поет Посејдип од Пела, кој додава: „На која од двете повеќе наликува, не можам да ви кажам!“. Сензационалното откритие на Миланскиот папирус, со своите шестотини стихови и митолошко-религиозни текстови, издаден дури во 2001 година, не го осветли само значајното дело на Посејдип, туки и мноштвото аспекти на религиозноста, естетиката и општеството во хеленистичкиот период по чии маргини сеуште гребе светската научна мисла.
Овој интересен историски период, кој со своите религиозни, културни, научни, економски и општествени парадигми, станува се поактуелен во светската наука, а особено помеѓу археолозите и класичарите, иако комплексен и недоволно истражен веќе дава значајни прилози, како кон разбирањето на пошироките историски процеси, така и кон разбирањето на значајни предизвици од современото глобално живеење.
Овој труд создава нов, методолошки компактен, компаративен мост помеѓу две од најзначајните карактеристики на религиозноста и општеството во хеленистичкиот период: религиозните синкретизации и култот кон владетелот. Ползувајќи ги теориите на глобализација на идеите и материјалната култура, трудот воспоставува причинско-последична релација на овие два феномени, кои покажуваат огромна конзистентвост ширум мултикултурниот свет на Дијадосите и во политиките на нивните династички дворови.
Трудот ги нагласува и сублимира современите научни сознанија, кои говорат дека култот на владетелот, како жив бог, син на бог, наследник и собеседник на сите божества, покровител на сите храмови, градови и народи, е во центарот на заедничкото идеолошко јадро на хеленистичката екумена.