Дигитални стратегии за естетска совршеност

Современата естетска стоматологија сè повеќе се потпира на дигитални стратегии со цел постигнување високо естетски и функционални резултати. Интеграцијата на дигитална фотографија, интраорален скенинг, дигитален дизајн на насмевка (Digital Smile Design), како и CAD/CAM технологии, овозможува детална анализа и прецизно планирање на терапевтските постапки. Виртуелното планирање придонесува за подобра предвидливост на естетскиот исход, зголемена точност при изработка на протетските реставрации и подобрена комуникација меѓу стоматологот, лабораторијата и пациентот. Дополнително, дигиталните алатки овозможуваат индивидуализиран пристап, усогласување на естетските параметри со анатомските и функционалните карактеристики, како и намалување на клиничките грешки. Примената на дигитални стратегии резултира со пократко времетраење на терапијата, зголемено задоволство на пациентите и долготрајна естетска стабилност. Овој труд ја анализира улогата и придобивките од дигиталните технологии во планирањето и реализацијата на естетски стоматолошки третмани, со акцент на нивното значење во постигнувањето естетска совршеност.
Клучни зборови
естетска стоматологија, дигитални стратегии, дигитален дизајн на насмевка, CAD/CAM, виртуелно планирање