Некропола во подножјето на локалитетот Цареви кули – Струмица

Струмица, несомено, претставува еден од најзначајните средновековни, централнобалкански градови, военоадминистративен центар и седиште на доста значајната по ранг – епископија. Поставеноста на, речиси, еднаквата оддалеченост од главните центри на моќ во овoј дел на Балканот: Солун, Сер и Скопје е доволна потврда дека градот Струмица претставувал главна алка на поврзување, неоткинив дел од севкупната балканска традиција и култура.