Влијание на калциум нитратот [Ca(NO3)2] врз растот и развојот на растенија од грав (Phaseolus vulgaris L.)

Целта на ова истражување беше да се анализира влијанието на калциум нитратот [Ca(NO3)2] врз растот и развојот на растенија од грав (Phaseolus vulgaris L.). Во секоја експериментална саксија беа посеани по девет зрна грав, а растот беше следен 40 дена. Експериментот беше спорведен во контролирани услови со три третмани: полевање само со вода, полевање еднаш неделно со растворен Ca(NO3)2, а останатите денови од неделата се полева само со вода и полевање само растворен Ca(NO3)2. Резултатите покажаа дека највисок процент на ‘ртност (100%) е забележан кај третманот полевање со вода и ѓубриво, додека најздрав развој на листовите и најмасовен вегетативен раст е забележан кај растенијата полевани исклучиво со вода. Во третманот на растенијата исклучиво со ѓубриво беше забележано појава на изгорени растенија и деформации на листовите, што укажува на токсичен ефект при прекумерна концентрација на калциум нитрат [Ca(NO3)2]. Набљудувањата укажуваат дека присуството на калциум нитрат [Ca(NO3)2] ја зголемува ретенцијата на вода во тресетот, што е потврдено и во други истражувања. Од добиените резултати можеме да заклучиме дека калциум нитратот [Ca(NO3)2] позитивно влијае на ‘ртноста на семето од грав, но неговата оптимална примена треба да биде во комбинација со редовно полевање со вода за да се избегне токсичен ефект и да се обезбеди рамномерен раст.