Ефектот од различни техники на апликација на дексаметазон по хируршка екстракција на долни умници

Вовед: Декасметазонот наоѓа широка примена во третманот на постоперативните компликации во оралната хирургија. Досега не постои приоритет на ниедна техникан на апликација на лекот во однос на неговиот ефект.
Цел: Да се направи компарација на ефектот од примената на различните техники на апликација на Дексаметазонот врз постоперативните последици при хируршка екстракција на долни трети импактирани молари.
Материјал и метод: Во истражувањето се вклучени 45испитаници од двата пола, поделени во три групи. Првата испитувана група ја оформија 15 испитаници каде по соодветна индикација е аплицирана Дексаметазон интра мускулно. Втората испитувана група исто така беше составена од 15 испитаници, каде по интервенцијата е аплициран Дексаметазон субмукозно. Третата група е контролна која истотака брои 15 испитаници, каде не е аплициран Дексаметазон постоперативно. Ефектот од различните начини на апликација беше проценет врз основа на следење на два клинички параметри: болка (со примена на VAS скала) и тризмус со помош на ортодонски шублер(изразен во mm). Овие клинички параметри беа мерени 24 и 48 часа по интервенцијата.
Резултати: На првиот постоперативен ден најмала болка беше забележана кај субмукозната испитувана група каде просечна вредност според VAS скалата изнесува (3.5), потоа интрамускуларната испитувана група (3.8) и контролната група (5,7). По 48часа интервенцијата кај субмукозната група е регистрирана просечна вредност (2), кај групата со интрамускулна апликација (2,2) и контролна група (3,6). По 24 часа тризмусот беше изразен најмногу кај контролната група, со просечно намалување на способноста за отворање на устата од 33.2%. Кај испитаниците третирани интрамускулно присутен е тризмус од 25,3%, а кај субмукозната група 18%. На третата посета (48ч. постоперативно) е регистрирано подобрување за 7,6% во субмукозна група, а 8,4% во интрамускулна група. Кај контролната група е евидентирано подобрување на тризмусот од 5,4%, 48часа постоперативно.
Заклучок: Субмукозната техника на апликација на Дексаметазон резултира во подобрување на болката и тризмусот, споредбено со интрамускулната апликација на лекот во испитуваниот постоперативен период. Таа обезбедува поефективно обезболување на трауматизираното локално ткиво и поефикасна
корекција на тризмусот како честа постоперативна компликација.