Мал формат 2025 - учество на групна изложба

Во Културно информативниот центар во Скопје на 31.10.2025 год. беше отворена изложбата „Мал формат“ на Друштво на ликовни уметници на Македонија.
Претставени беа дела во дводимензионален и тродимензионален формат – цртежи, слики, колажи, скулптури, објекти, графики и дела во други техники од членовите на уметничката асоцијација.
Малиот формат и минијатурата се чести модели на запишување на фази од процесот на реализација на ликовните дела и со тоа се дел од тековната продукција на ликовните уметници. Во тој процес и продукцијата на финални ликовни дела во помал формат е од особено значење бидејќи дава посебно место на јасната идеја, прецизноста во реализацијата на делата и актуелност на понудениот концепт.
На изложбата професорот Слободан Милошески се претстави со скулптура во мал формат под наслов „Чувар на просторот“ , изработена во инокс со димензии 23х8х7,5 cm.