Далечинско следење на параметрите и потрошувачката на електрична енергија кај дигиталните броила со користење на RF мрежa и Интернет

Во индустриските капацитети, мерените големини може да се категоризираат во две главни групи: неелектрични големини (притисок, проток, температура и сл.) кои бараат конверзија во електрични сигнали преку сензори и конвертори, и електрични големини (напон, струја, и сл.) во форма на електрични сигнал и не треба да се конвертираат. Клучна сличност во двете категории е потребата од точност во мерењата, собирање, визуелизација и дистрибуција на
истите. Современите дигитални системи за мерење покрај зголемување на точноста во мерењето, овозможуваат едноставно пренесување на мерените податоци на далечина, нивна визуализација и запазување за идна анализа на мерењата.
Овој труд се однесува на мерења и манипулација со мерените вредности добиени преку дигитални мерачи на енергија, т.е. дигитални броила кои работат според регулативите на ЕУ и
се користат во индустриски, административни и станбени услови. За жал, кај голем број случаи читањето и собирањето податоци од разни причини се вршат рачно на локацијата на броилото, спречувајќи далечински пристап. За да се надмине овој проблем, во овој труд се предлага електронски систем поврзан со постоечките дигитални броила, овозможувајќи локален пренос на податоци до персонални компјутери и далечински пристап преку RFмрежа и Интранет во реално време.