Економски потенцијал од производство на лековити билки во третман на анксиозност и несоница во Северна Македонија

Економскиот потенцијал на одгледување лековити билки во Северна Македонија, конкретно за лекување на анксиозност и несоница, претставува огромна можност за земјоделскиот и извозниот сектор во земјата. Овој труд ги истражува придобивките од лековитите билки кои се користат во третман на анксиозност и несоница, како што се лаванда (Lavandula angustifolia Mill.), камилица (Matricaria recucita L.), пасифлора (Passiflora incarnata L.), маточина (Melissa officinalis L.), кантарион (Hypericum perforatum L.) и валеријана (Valeriana officinalis L.), истакнувајќи ги нивните терапевтски својства и побарувачката на глобалниот пазар. Поволната клима во Северна Македонија, во комбинација со нејзиното богато земјоделско наследство, ја позиционира земјата како идеална локација за одгледување на овие билки.
Трудот ги објаснува можните предизвици, како што се климатските ризици, управувањето со штетници и болести и пристапот на пазарот, притоа нагласувајќи ја важноста од развивање на преработувачка инфраструктура, практики за одржливост и извозни стратегии. Со фокус на производи со додадена вредност како што се есенцијални масла, билни чаеви и додатоци во исхраната, Северна Македонија може да ја подобри вредноста на своите билки и да ја искористи растечката побарувачка за природни производи ширум светот. За да се реализира овој потенцијал, од суштинско значење е соработката меѓу земјоделците, приватниот сектор и владините институции, заедно со инвестициите во образование, контрола на квалитет и инфраструктура.