Учество на Просторни реадаптации 4

Просторни реадаптации е еднодневна изложба односно ликовен настан кој се одржува на кејот на Вардар во Скопје, поточно на некогашната Градска плажа 1. Уметниците Доротеј Нешоски и Ана Трајковска, во обид да го реобмислат овој запуштен простор, веќе четврта година по ред го организираат настанот Просторни реадаптации на кој покануваат реномирани и млади ликовни уметници да го „облагородат“ пустошот со свои дела, инсталации, перформанси итн. Мојата инсталација во простор наречена ОК/СК (2025) беше делото со кое земав учество оваа година.