Маџун-традиционален производ од грозје

Традиционалната храна се смета за наследство што се пренесува со генерации и потрошувачите очекуваат специфични сензорни својства и висок квалитет на храната. Маџунот е традиционален производ кој се добива со варење на грозодвиот сок и со вакум технологија. Кардинал е трпезна сорта на грозје. Припаѓа во групата на рани сорти. Грозјето е наменето пред за консумација во свежа состојба (трпезно), но поради способноста да концентрира поголема содржина на шеќер е погодна суровина и за дестилати како и за производство на маџун. Во оваа истражување беа анализирани 3 примероци маџун од кои 1 примерок (К1) произведен со вакум технологија и 2 примероци (К2 и К3) произведени на традиционален начин. Од квалитативните својства беа анализирани вкупни и поединечни шеќери (фруктоза, гликоза, сахароза и малтоза), суви материи растворливи во вода и вкупни феноли. Во однос на содржината на хидроксиметил фурфурал (HMF), примероците добиени на традиционален начин (К2 и К3) се со значително поголема содржина во однос на примерокот (К1) произведен со вакум технологија. Ова се должи на технологијата на производство односно температурата (Т0С) и времетрењето на самиот процес. Добиените резултати за содржината на минерали и тешки метали покажаа варијабилност помеѓу примероците, а се должи на условите на одгледување односно составот на почвата, исхраната како и заштитата на виновата лоза.