Експериментален цртеж 2024 - групна изложба

Изложбата „Експериментален цртеж" во организација на Друштвото на ликовните уметници на Македонија (ДЛУМ) беше отворена вечер на 25.04.2025 год. во куќата на доајенот на македонската ликовна уметност, сликарот Борко Лазески во Скопје.
Изложбата ја отвори Дејвид Гир, амбасадор на Европската Унија во земјава, а таа беше дел од официјалната годишна програма на ДЛУМ. Изложбата се организира по осми пат, што го покажува постојаниот интерес на современите уметници за изразување во ова специфично ликовно подрачје.
Изложбата има за цел да овозможи простор за презентација на дела каде границите на традиционалниот цртеж се поместуваат, повлекуваат и преобликуваат во нови изразни форми. Оваа изложба го слави иновативниот дух на уметниците кои се осмелуваат да ги предизвикаат конвенциите на медиумот, презентирајќи разновидна колекција на експериментални цртежи кои ги предизвикуваат очекувањата и ги повикуваат гледачите да откриваат нови можности на ликовна креација.
На изложбата Вон.проф. д-р Слободан Милошески се претстави со екперименталниот цртеж под наслов „Внатрешни светови“, во комбинирана техника со димензии:50х70cm.