Современа скулптура 2024 - групна изложба

Изложбата со наслов „Современа скулптура“ на Друштвото на ликовните уметници на Македонија беше отворена на 31 октомври 2024 год. во галеријата „Ко-Ра“ во Домот на културата „Кочо Рацин”.
Оваа изложба на ДЛУМ е дел од програмските активности и е можност за групно претставување на поновите истражувања и идеи во рамките на современата скулптура. Уметниците истражуваат и експериментираат низ формата и изразот, а нивните креативни авантури се материјализираат преку финалниот облик на идејата.
На изложбата со свои дела ќе учествуваат авторите: Нела Јанковска, Слободан Милошески, Стефан Анчевски, Златко Бојковски, Златко Глигоров, Анѓел Димовски Чауш, Христијан Качаревски, Маја Кировска, Перо Кованцалиев, Доротеј Нешовски, Синиша Новески, Славчо Павловски, Татјана Ристовска, Ана Димчевска Семенпеева и Гоце Стоилковски.
Вон. проф. д-р Слободан Милошески на оваа изложба се претстави со скулпторското дело под наслов „Над облаците“ , изработено од инокс , со димензии: 45x49,5x13,5cm.