Годишен концерт на студентите од вокално-инструменталниот оддел од Музичката академија на УГД Штип

На 3 јуни 2024 во рамките на Меѓународниот фестивал за современа музика се одржа завршниот концерт на студентите од вокално-инструменталниот оддел на Музичката академија при УГД Штип. На концертот настапија студентите: Марио Петковски и Лина Бојаџиева од класата по пијано на проф. д-р Милица Шкариќ, Давид Петрушев, Бојан Ѓоргиевски и Нина Крагуевска од класата по кларинет на проф. д-р Бранко Павловски со пијано придружба на проф. м-р Наташа Трбојевиќ, Стефанија Тегова од класата по пијано на проф. д-р Татјана Џорлева, Софија Јакимова, Благица Блажеска, Михаил Кимовски и Иван Богатинов од класата по виолина на проф. м-р Софија Никоска-Маџароска со пијано придружба на проф. д-р Невенка Дукоска, и Александра Кировска, Стефан Ефремов и Драган Несторов од класата по гитара на проф. м-р Дејан Лазаревски. Студентите изведоа дела од Ј. С. Бах, В. А. Моцарт, Л. ван Бетовен, О. Копенков, А. Бариос Мангоре, К. М. фон Вебер, С. Рахмањинов и С. Фумиќ. Концертот се одржа во Уметничката галерија Безистен во Штип со почеток во 19ч.