Протетско решавање на фрактура на максиларен инцизив со користење на фибер-глас колче и циркониумска коронка

Вовед: Денталните трауматски фрактури (повреди) во естетската максиларна регија се претежно неочекувани настани кои предизвикуваат сериозни последици за пациентите на естетската, функцијата и психолошкиот момент. Инциденцата на фрактурирани максиларни инцизиви е околу 37%. Повреди поради падови,сообраќајни несреќи, учество во спортски активности, контактни спортови или удар на туѓо тело во забите, се најчестите причини за фрактури на коронката кај трајните заби.
Цел: Овој случај опишува протетска рехабилитација на фрактурирани максиларни инцизиви за време на спортска активност (возење велосипед) со помош на фибер-глас колче и циркониум-оксидна коронка.
Материјали и методи: 25 годишен пациент дојде на Одделот за протетика со фрактура на заб 21. Пациентот посочи на пад за време на возење велосипед. Клиничкиот и радиографскиот преглед покажа потреба од ревизија на ендодонтскиот третман на 21, а потоа беше изработена надоградба од фибер-глас колче и на крај циркониум соло коронка.
Резултати: Одличната естетика на финалната протетска реставрациа со транслуцентна цирконија предизвика задоволство и кај пациентот и кај лекарот.
Заклучок: Денталните трауматски фрактури во фронталниот максиларна регија се најнеочекуваните дентални повреди. Естетиката е еден од најсериозните проблеми кај сите, особено кај младите пациенти. Затоа протетската рехабилитација, со користење на модерна технологија и современи материјали, како што е транслуцентна циркониум-оксидна керамика, игра многу значајна улога во решавањето на овие предизвици.
Клучни зборови: протетска рехабилитација, фрактура на заб, фибер глас колче, цирконска коронка