Животна нишка

На 14 авгист 2024 година во вила Моклиште во Кавадарци, беше отворена Првата вајарска колонија Моклиште 2024 во организација на Музеј - Галерија Кавадарци, а под покровителство на Градоначалникот и Советот на Општина Кавадарци.
За колонијата говореа директорот на Музеј - Галеријата Кавадарци, Јаким Зимоски кој истакна дека ова е прв пат во Кавадарци да се организира вајарска колонија и дека скулптурите кои ќе бидат создадени од уметниците ќе го оплеменат јавниот простор на градот и ќе бидат поставени во зелени површини. Проф. д-р Слободан Милошески кој во
името на учесниците изрази благодарност за поканата и ја пофали самата иницијатива на музејот.
Уметниците кои твореа во следните 7 дена работеа монументална скулптура наменети за јавен простор, а самите дела беа изработени од метал и дрво.
На колонијата учествуваат: Проф. д-р Слободан Милошески, Проф. д-р Валентина Стефаноска, Марјан Стојаноски, Славче Петроски, Озбек Ајваз и Василије Стојановиќ.
Проф.д-р Слободан Милошески за време на оваа ликовна колонија од дрво го изработи скулпторското дело „Животна нишка“, со димензии 220х50х45 cm.